ሁሉም ነገር የጀመረው የስድስት አመት ልጅ እያለሁ ነበር። አባቴ ባገኘው የስራ እድል ከምንኖርበት ከተማ ወደሌላ ከተማ ተዘዋወርን። ከተማ ስንቀይር የመጀመርያችን ስለነበር ወደ አዲስ ቦታ ሄጄ አዲስ ጓደኛ ለማፍራት እና አዲስ ህይወት ለመኖር በጣም ጓጉቼ ነበር።

ነገር ግን ይኼ ሁሉ ሃሳብ በአንዲት አስከፊ ቀን ተሰባብሮ ቀረ። የቤታችን ጠባቂ ዘበኛችን ወሲባዊ ጥቃት ፈፀመብኝ። ይህንን ነገር ለማንም አልተናገርኩም። ማንም ሰው አላወቀም። የሌላን ሰው እርዳታ የምጠይቅበት አቅም አልነበረኝም። ሰውዬውን በጣም ፈራሁት። በዚህ ምክንያት በድጋሚ ጥቃት እንዳያደርስብኝ ስለምፈራ ቤት ውስጥ ሌላ ሰው ከሌለ ሰው እስከሚመጣ ድረስ መታጠብያ ቤት ገብቼ በሩን በራሴ ላይ ቆልፌ እጠብቃሁ። ከመታጠቢያ ቤቱ የምወጣው ሰው ከመጣልኝ ብቻ ነው። በመጨረሻም ያደረገብኝ ነገር ገሀድ ወጥቶ ከእኛ ቤት ተባረረ።

ትልልቅ ሰዎች ህፃናትን መጉዳት ይፈልጋሉ ብዬ አስቤ አላውቅም፡፡

ያደረገብኝ ነገር ገሀድ ውጥቶ ከእኛ ቤት ተባረረ። ነገር ግን የእኔ ስቃይ በዚህ ብቻ አላበቃም። ከእሱ በኃላ ለቤተሰቤ በጣም ቅርብ የሆኑ ሰዎች ለስድስት ተከታታይ አመታት ወሲባዊ ጥቃት አድርሰውብኛል። ለምን ለዚህ እኩይ ተግባራቸው እኔ ብቻ እንደሚመርጡ አይገባኝም። አይን አፋር ስለሆንኩኝ ለማንም አትናገርም ብለው ይሁን? ቤተሰቤ ጥሩ የኑሮ ደረጃ ስለሌለው ይሁን? ከአጎቶቼ ልጆች የሚደርስብኝ ወሲባዊ ጥቃት ፈሪ አደረገኝ።

ትልልቅ ሰዎች ግን ለምን ህፃናትን ይጎዳሉ? በእኔ ጥፋት ነው ብዬ አስብ ነበር። የተረገምኩ ስለሆንኩኝ ይሁን? በደረሰብኝ ነገር በጣም እሸማቀቅ ስለነበር ለማንም አልተናገርኩም። ቤተሰቦቼ ምን ይላሉ የሚለው ያሰፈራኛል። ምንም እንዳልተፈጠረ ራሴን አሳምኜ መኖር ጀመርኩኝ። የሆነውን ነገር በረሳሁ ቁጥር ጥቃቱም ይቆማል ብዬ አሰብኩኝ። ምንም ያህል ጥረት ባደርግም እራሴን ከመውቀስ ማምለጥ አልቻልኩም። በዚህ ሁሉ እራሴን እንደመጥፎ ሰው ነበረ የማየው። እራሴን መውቀስ በዝቶብኝ ምንም ነገር በትክክል ማሰብ እንዳልች አደረገኝ።

እያደኩኝ ስመጣ ግን የደረሰብኝ ነገር ጥቃት ብቻ ነው ብዬ ማሰብ እየተሳነኝ መጣ። የደረሰብኝን ጥቃት ልረሳው ብሞክርም የቁስሉ ጠባሳ የመረቀዘ ነበር። መርሳት አልቻልኩም። ሴትነቴን አጥብቄ እጠላው ጀመር። ወንዳወንድ ሆንኩኝ። ሰውን ማመን አቆምኩ በተለይ የቅርብ ዘመዶቼን። ተጠራጣሪ እና ሀይለኛ ነበርኩኝ።

አሁን እድሜዬ ወደ አርባዎቹ ይጠጋል ነገር ግን የደረሰብኝ ጥቃት ትዝታዎች እስከአሁን አልደበዘዙም።

በዚህ ጊዜ የምነግረው ሰው እንደሌለ ተረዳሁ። ወላጆቼ እንኳን የደረሰብኝን ከሰሙ በኃላ እንዴት ሊረዱኝ እንደሚችሉ አላወቁም። ጊዜ ይፈታዋል ወይም የተፈጠረውን ነገር በጊዜ ብዛት ትረሳዋለች ብለው ዝም አሉኝ። እኔ ግን እንኳን ልረሳው ህመሙ ልቤንም መንፈሴንም ተቆጣጥሮት አረፈው። ችግሬን የምነግረው ጓደኛ አጥብቄ እፈልግ ነበር። አንድ ሰው አስፈልጎኝ ነበር፤ የተፈጠረው ነገር የእኔ ጥፋት እንዳልሆነ የሚነግረኝ። ለብቻዬ እንዳልሆንኩኝ እንዲሰማኝ የሚያደርገኝ ጓደኛ እፈልግ ነበር። ነገር ግን ማግኘት አልቻልኩም።

አሁን እድሜዬ ወደ አርባዎቹ ይጠጋል ነገር ግን የደረሰብኝ ጥቃት ትዝታዎች እስከአሁን አልደበዘዙም። እያንዳንዱን ጥቃት በሚገባ አስታውሳለሁ። አሁን የልጆች እናት ሆኜ ልጆቼ ወደ ትምህርት ቤት ሲሄዱም ሆነ ለመጫወት ሲወጡ በጣም እጠራጠራሁ። ስለወሲባዊ ጥቃት ነግሬ አስጠንቅቄቸዋለሁ። ወደኃላ ተመልሼ ምን አለበት ለሰው ተናግሬ እና እርዳታ አግንቼ ቢሆን ብዬ እፀፀታሁ። ዛሬ ካለኝ ህይወት የተሻለ ህይወት ይኖረኝ ነበር ብዬም አስባለሁ።

ወሲባዊ ጥቃት ተፈፅሞቦት የሚያውቅ ከሆነ እንደእኔ በዝምታ እንዳታልፉት።

የጥቃቱን ትዝታ እና ህመም በውስጣችሁ መያዝ ጥቃቱ የባሰ እንዲጎዳችሁ ሀይል ይሰጠዋል። ይህንን ለብቻዎት መጋፈጥ የለቦትም። ከእኛ መካከል ሚስጥር ጠባቂ የሆነ አማካሪ በነፃ ማግኘት ይችላሉ። አድራሻዎትን ከታች ካስቀመጡልን ወዲያው የሚያማክሮት ሰው መልስ ይሰጦታል። ትክክለኛ ስሞትን ወይም የሌላ ሰው ስም መስጠት ይችላሉ።